Door reh kar qareeb kitnay hein

Door reh kar qareeb kitnay hein,
Faslay bhi ajeeb kitnay hein

Dard-E-dil ki dawa nahi warna,
Es jahan mein tabeeb kitnay hein

Umer bhar sath jo rahay teray,
Us k achay naseeb kitnay hein

Kyun na aaye tum meray sapno mein,
Meray shikaway bhi ajeeb kitnay hein

Sach to ye hey jo mujhe jhoot ki aadat hoti

Sach to ye hey jo mujhe jhoot ki aadat hoti
Mujh ko tumse na tumhein mujh se shikayat hoti

Apne maazi k fasanay jo sunata tum ko
Kese zinda hun ab tak tumhein hairat hoti

Kuch nahi kehta to kehtay hein k maghroor hu main
Aur kuch kehta to kuch aur shikayat hoti

Khud parasti jo na insaan ki firtrat hoti
Sari dunya mein mohabbat hi mohabbat hoti

Tum ne acha kia mujh ko na dia wafa ka badla
Tum bhi mujh se jo wafa kertay to tijarat hoti

Zindagi bewafa kyun hoti hay

Zindagi bewafa kyun hoti hay?
Wafa karne ki saza kyun hoti hay?
*
Choti si baat pe baha dete hain khon
Insaan mein itni anna kyun hoti hay?
*
Karta hun mein jis se baar baar tauba
Elaahi mujh se wohi khata kyun hoti hay?
*
banate to hain hum apne haathon se masjid
Namaz apni hi phir qaza kyun hoti hay?

Pagal wo kar deti hogi

Pagal wo kar deti hogi
Ab bhi jab wo hansti hogi

Mujh ko to barbaad kiya hay
Khud bhi shayad roti hogi

Arsa beeta hay bin dekhe
Jaane ab wo kesi hogi

Us k haath ki raikhaon mein
Ik raikha meri bhi hogi

Jis din us se milna hoga
Shaam bhi us k jesi hogi

Dulhan ban kar wo is dil mein
Socho kesi lagti hogi

Jin haathon ko main ne chooma tha
Un ko ab tak takti hogi

Sun kar mera naam wo shayad
Ik lamhay ko chonkti hogi

Zameen pe chal na saka asman se bhi gaya

Zameen pe chal na saka asman se bhi gaya,
Kata k par to parinda uraan se bhi gaya

Bhula diya to bhulane ki inteha kardi,
Ab wo shaks mere wahm-o-guman se bhi gaya

Kisi k hath se nikla hua wo teer hoon main,
Jo hadaf ko choo na saka or kaman se bhi gaya

Tabah kargai mujhe pakke ghar ki khuwaish,
Main apne gaon k kachey makan se bhi gaya

Paraai aag main kooda to kya mila,
Usko to bacha na saka or apni jaan se bhi gaya.

Wohi sochain wohi batein wohi andaz ab bhi hay

Wohi sochain wohi batein wohi andaz ab bhi hay
Bohut bechain lagtay ho koi to raaz ab bhi hay

Main kaisay us ki yaadon or wadon se nigahe phairoon?
Wo mujh se roothnay wala mera hamraz ab bhi hay

Yeh tum ho is taaluq par preshaan or nadim bhi
Isi belos rishtay par mujhay to naaz ab bhi hay

Mujh mein doob jao k meri gehraiyon ka pata chale

Mujh mein doob jao k meri gehraiyon ka pata chale
Mere dard ki shiddat meri tanhaiyon ka pata chale

Aise to har roz wafa k naam par toote hain dil
Mujh ko bhi chaho k meri bewafaiyon ka pata chale

Ye or baat k lafz mere ho kar nahi rehte
Phir bhi pucho koi sawal k meri sachiyon ka pata chale

Koi umeed jo hoti tere laut aane ki

Koi umeed jo hoti tere laut aane ki
Phir na hoti aisi halat dil deewane ki

Main to har haal mein khush rehne ki justju mein raha
Na gai teri aadat wo staane ki

Zindagi jabar-e-musalsal ki tarha kaat raha hoon
Nahi deta koi dua bhi mar jane ki

Ab tou aksar yehi sochta rehta hoon
Tujh ko maangon ya maangon dua apnay mar jane ki

Bikharti rait per kis naqsh ko aabad rakhey gi

Bikharti rait per kis naqsh ko aabad rakhey gi,
Wo mujhko yaad rakhey bhi to kitna yaad rakhey gi

Usay buniyad rakhni hay abhi dil mein mohabbat ki,
Magar ye sang seenay per wo meray baad rakhey gi

Palat ker bhi nahi dekhi uski ye be-rukhi hum ne,
Bhula den gey usay aisa k wo bhi yaad rakhey gi

Main wohi hon jisay tum dost kaha karte thay

Main wohi hon jisay tum dost kaha karte thay
Din mein so baar mera naam liya karte thay

Aaj kiya baat hay kyun mujh se khafa bethay ho?
Kiya kisi aur ko tum dost bana bethay ho?

Faaslay itne to pehle na huwa karte thay
Main wohi jisay tum dost kaha karte thay

Tum agar bhool gaye ho to koi baat nahi
Zakham to pehle bhi is dil pe laga karte thay