Dunia se mujhy pyar tha sub bhool chuka hon

Dunia se mujhy pyar tha sub bhool chuka hon,
Ek Shakhs mera yar tha sub bhool chuka hon

Bakhshi hai mujhay pyar ke badle mein bewafai,
Jo bhi tera kirdar tha sub bhool chuka hon

Bus itna mujhay yad hai ik wasal ki shab thi,
Iqrar tha inkar tha sub bhool chuka hon

Haan meri khata thi tujhay toot ke chaha,
Haan main he gunerhgar tha sub bhool chuka hon

Ik shakhs ne pagal sa bana rakha tha "SAHIL"
Main kitna samajh dar tha sub bhool chuka hon.

Daita raha faraib koi saadgi k sath

"Daita raha faraib koi saadgi k sath/
"Inta bara mazaak meri zindagi k sath/

"Shayad mili saza es jurm ki mujhy/
"K tha mujhy pyaar ek ajnabi k sath/

"Wo zehar bhi dety rahy dawa ki tarah/
"Itna bura slook meri sadgi k sath/

"Apna samajh k jis k liye ham ujar gay/
"Kal shaam ja raha tha kisi ajnabi k sath/

Ek Aanso toot k gira hai tere liye aaj phir

Ek Aanso toot k gira hai tere liye aaj phir
Kuch yaaden toot kar barsin hain tere liye aaj phir

In Aankhon main basa he sirf ek tera hi chehra
Tujhe dua ki soorat khuda se manga he aaj phir

Youn to roz hi yaad karti hon tujhe har pal
Par dil ne toot k chaha he tujhe aaj phir

Dil he khincha hi jata he teri tarf
Teri yaadon ne bohut rulaya he aaj phir

Sham ki palkon pe larazte rehna

Sham ki palkon pe larazte rehna
Dob jaye jo ye manzar to braste rehna

Uski adat wohi har baat adhori karna
Or phir baat ka mafhum badalte rehna

Aag se sekh lia ha ye karina hum ne
Bujh b jana to bari dair sulagte rehna

Jane kis umer men jayergi ye adat uski
Roothna khud se to oron se ulajhte rehna

Ghum had sy jo guzra hay to ye ehsas hua hay

Ghum had sy jo guzra hay to ye ehsas hua hay
Dil bujh k b dil rehta hy pathar nahi hota

Har shakhs ko munh maangi muraden nahi milteen
Har shakhs muqadar ka sikandar nahi hota

Har dil mein mohabat ho ye mumkin nahi MOhsIN
Har seep ki aaghosh mein gohar nahi hota

Aisi bhi mohabbat ki sazza deti hy dunya

Aisi bhi mohabbat ki sazza deti hy dunya,
Marr jayein to jeeney ki dua deti hy dunya

Hum kon se momin they jo ilzaam na sehtay,
Pathar ko bhagwan banna deti hy dunya

Ye zakham mohabbat ka hy dilkhaana na kisi ko,
La kar ser-e-bazzar sajja deti hy dunya

Qismat par karo naaz na itna bhi fakeeron,
Haathon ki lakeeron ko mitta deti hy dunya

Marney ke liye karti hy majboor to lekin,
Jeenay k tareekay bhi sikha deti hy dunya

Apni Aankho K Sabhi Ashq Baha Kar Sona

Apni Aankho K Sabhi Ashq Baha Kar Sona!
Tum Meri Yaad Ka Har Deep Bujha Kar Sona-

Ek Sitara Bhi Meray Khayal Ka Baqi Na Rahay!
Chaandni Shab K Nishanaat Mita Kar Sona-

Dar Lagta Hai Neend He Kahin Cheen Na Ly!
Tera Har Roz Meray Khwab Mein Aa Kar Sona-

Baad Mein Log Gira Dain To Koi Baat Nahi!
Har Taraf Pyaar Ki Deewar Utha Kar Sona-

Subha Hote Hi Teray Shehar Se Jana Hai Mujhay!
Aaj Ki Raat Zara Mujh Ko mana Kar Sona.

Ek Raat Hui Barsaat bohut

Ek Raat Hui Barsaat bohut
Koi Roya Sari Raat bohut

Har Gham Tha Zamaany Ka Magar
Koi Tanha Tha Us Raat bohut

Phir Aankh Se Ek Saawan Barsa
Jab Seher Hui To Khayal Aaya

Wo Badal Kitna Tanha Tha
Jo Barsa Saari Raat bout

Abhi na khul abhi thora hijaab rehne de

Abhi na khul abhi thora hijaab rehne de,
Kuch aur din mujhe yunhi kharab rehne de

Ujaar de mere dil ki tmam dhrti ko,
Bus aik shehr mera shehr-e-khwab rehne de

Wohi hua na bicharne pe baat aa pohunchi,
Tujhe kaha tha purane hisaab rehne de

Meri hatheli pe likh de her ik nakami,
Mere khuda tu usy kaamyaab rehne de

Warq warq na tu aise lakeeren khench'ta ja,
Kitab-e-umer mein koi to baab rehne de

Guftago achi lagi, zoq-e-nazar acha laga

Guftago achi lagi, zoq-e-nazar acha laga
Muddaton k baad koi humsafar acha laga

Zindagi ki baysar-o-samaniyon k bawajood
Aaj tu yaad aaya to mujh ko apna aap acha laga

Manzilon ki baat choro kis ne paaien manzilein
Ek sagar acha laga, ek humsagar acha laga