Itna sa yaad rakh mujhe
Jese kisi kitaab mein,
Beete dino k dost ka,
Ek khat para hua mile,
Lafz mite mite se hon,
Rang ura ura sa ho,
Lekin wo ajnabi na ho,
Bhoole hue tamaam dukh,
Guzre hue tamaam sukh,
Beete dino ka sab kuch,
Tujh se kahe aur ro pare,
Bas itna sa yaad rakh mujhe,
K jab kabhi baat-be-baat
yaad humari aa jaye,
to thora sa muskura lena,
aur dil ko ye samjha lena,
nadaan sa tha par acha tha,
ik Dost humara sacha tha.....!!
