Kuch Zeest Safar Bhi Lamba Tha
Kuch Hum Bhi Thora Sust Chale
Kuch Hum Bhi Apne Dushman Thay
Kuch Hum Ko Dushman Bohat Mile
Kuch Hum Manzil Ko Bhool Gaye
Kuch Raaste Behad Sakht Mile
Or Aaj Ye Apni Haalat Hai
Her Simt Andhera Chaya Hai
Her Simt Hai Chai Veerani
Her Simt Osi Ka Saya Hai
Is Dasht Mein Hum Ne Kya Khoya
Is Rah Mein Hum Ne Kya Paya
Ek Aag Si Dil Mein Bharak Uthi
Or Aankh Mein Pani Bhar Aya.
