'Doston k naam'
Kuch yaadein hain un lamhon ki,
jin lamhon mein hum sath rahe,
khushion se bhare jazbaat rahe
Ek umer guzaari hai hum ne,
jahan ruthe huwy bhi hanste thay,
kuch kehte thay, kuch sunte thay,
Hum roz jab milte thay,
tou sab k chehre khilte thay,
pur-luft wo manzar hota tha,
sab mil kar baatein karte thay,
Wo goonjh hamare hansne ki,
ab ek puraani yaad bani,
kuch yaadein hain un lamhon ki,
jin lamhon mein hum sath rahe.
