Abr-e-baraan k iraday bhi pur'israr se hain
Aaj barsay gi ghata khul k ye aasaar se hain
Log aatay hain, thehartay hain, chalay jatay hain
Apnay halaat bhi ujrray huwy baazar se hain
Wo agar chahay tou day sharf-e-mulaqat mujhe
Sub umeedein meri wabasta mere yaar se hain
Ye zaruri tou nahin jeet musarrat bakhshay
Aisi khushian bhi hain milti jo sirf haar se hain
Sar'bakaf ho kay teray koochay ko chal nikla hoon
Azmm tou pakay magar rastay dushwar se hain.
