Home   |   Contact   |   About   |   Karachi Bus Routes   |   Privacy Policy

Aarzo ki shiddat ko kaash tum samajh saktey

Aarzo ki shiddat ko kaash tum samajh saktey
Meray dil ki chahat ko kaash tum samajh saktey

Kis tarha jalati hein sadain judai ki
Hijar ki qayamat ko kaash tum samajh saktey

Peyar k siwa mujh ko aur kuch nahi aata
Meri is aadat ko kaash tum samajh saktey

Jo dekhai detay hein, loug wo nahi 'wasi'
Sirf is haqiqat ko kaash tum samajh saktey
Related Posts Plugin for Blogger...