Dareechay Se Jhankti Wo Larki Ajeeb Dukh Se Bhari Hui Hai,
K Uss k Aangan Mein Phool Par Ik Neeli Titli Mari Hui Hai
::
Kabhi Azanoo Mein Khoyi Khoyi,Kabhi Namazoo Mein Royi Royi,
Wo Aisy Dunya Ko Dekhti Hai k Jaisy Iss Se Dari Hui Hai
::
Darood Se Mehki Mehki Saansein, Wazifa Parhti Uss Ki Aankhein,
K Ik Shamma-e-Umeed Un Mein Kayi Baras Se Dhari Hui Hai
::
Baray Zamanoon k Bad Barsi Hai Meri Aankhein Kisi Ki Khatir,
Baray Zamanoon k Bad Dil Ki Zameen Phir Se Hari Hui Hai.
Logging you in...
