Bohat be-chain rehti hay tabiyat aik muddat se

Bohat be-chain rehti hay tabiyat aik muddat se
Dil-o-jaan ko nahi mil paai rahat aik muddat se

Mujhe bhi rok rakha hay meri masroofiyat ne or
Nahi ki tum ne bhi milnay ki zehmat aik muddat se

Bohat majboor hoon warna bohat mehssos karta hoon,
Meri jaan tum se milnay ki zarorat aik muddat se

Kisi din aa k mil jao k apnali hay aankhon ne
Tumhari yaad mein ronay ki aadat aik muddat se

Udaas shaamon ki siskion mein

Udaas shaamon ki siskion mein
Kabhi jo meri awaaz sun'na

Tou beety lamhon ko yaad kar k
Inhifizaon mein lout aana

Tum aaya karte thay khwaab ban kar
Kabhi mehaktay they gulab ban kar

Main khushk hoonton se jab pukaaroon
In adaaon mein lout aana

Meri wafaaon ka paas rakhna
Meri duaaon ka pas rakhna

Main khali haathon ko jab uthaaon
Meri duaaon mein lout aana

Sheesha mera wajood hay, Pathar talash kar

'Sheesha mera wajood hay, Pathar talash kar'
'Meray galay ke wastey khanjar talash kar'

'Qatray se meri tishnagi na bujh sakay gi ab'
'Mere liye tu koi samandar talash kar'

'Duniya ke is hujoom mein hargiz mujhe na dhood'
'Mujh ko kahin tu apne hi andar talash kar'

Aa Bant len Saray dard-o-Alam

-Aa Bant len Saray dard-o-Alam kuch tum rakh lo kuch hum rakh len-
-Ab Ponch lo apnay ashk Sanam, Kuch tum rakh lo kuch hum rakh len-

-Hum sath rahen aur sath chalen hub sath jiyen aur sath maren-
-Is raah-e-wafa pe qadam, kuch tum rakh lo kuch hum rakh len-

-Mana k dukhon se tum ho bhare or hum bhi khali hath nahi-
-Ye zulm-o-sitam tumhen meri qasam, kuch tum rakh lo kuch hum rakh len-

-Bedard zamane wale jo kuch kehte hain kehne do-
-Beloas tamanaon ka bharam, kuch tum rakh lo kuch hum rakh len-

Bachpan Ka Zamana Hota Tha

Bachpan Ka Zamana Hota Tha
Khushion Ka Khazana Hota Tha

Chahat Chaand Ko Pane Ki
Dil Titli Ka Deewana Hota Tha

Rone Ki Waja Na Hoti Thi
Hansne Ka Bahana Hota Tha

Khabar Na Thi Kuch Subho Ki
Na Shaamon Ka Thikana Hota Tha

Matti Kay Ghar Bnatey They
Aur Un Ko Girana Hota Tha

Gham Ki Zuban Na Hoti Thi
Na Zakhmon Ka Paymana Hota Tha

Barish Mein Kaghaz Ki Kashti
Har Mosam Suhana Hota Tha

Wo Khel Wo Saathi Hote The
Aur Har Rishta Nibhana Hota Tha

Thokar lagi tou, Apne muqadar pe ja gira

Thokar lagi tou, Apne muqadar pe ja gira
Phir yun huwa k, Aaina pathar pe ja gira

Ehsaas-e-Farz jab bhi huwa, Neend aa gayi
Chalna tha pul-saraat pe, Bister pe ja gira

Baazi mohabbaton ki jahaalat ne jeet li
Wo ban gaya khateeb, Jo mimber pe ja gira

Khushbu qasoor-waar nahi, is ko chor do
Main phool torte huwe kantoon pe ja gira

Sahraaon mein liye phirta raha paani ki justaju
Jab piyas mar gayi to, Samudar pe ja gira

Kurb kay shehar mein reh kar nahi dekha tu ne

Kurb kay shehar mein reh kar nahi dekha tu ne
Kiya guzarti rahi hum par nahi socha tu ne

Ay mujhay sabar kay aadaab sikhanay walay
Jab wo bichra tha wo manzar nahi dekha tu ne

Tu ne dekha hai muqaddar ka sitara shayad
Par sitaray ka muqaddar nahi dekha tu ne

Khwahishon k Aangan mein raat din bseray thay

Khwahishon k Aangan mein raat din bseray thay,
Titliyan tumhari then aur phool mere thay

Chand aasmano se jab zamin pe utra tha,
Dekhnay mein raatein then asal mein sweray thay

Tere paas basnay ki khai thi qasam lekin,
Shehar bhi praya tha log bhi luteray thay

Lut gaye hum dono to qasoor kis ka hay?
Khwahishen bhi teri then feslay bhi tere thay

Meri taqdeer se pooch Meri qismat ka faisla

"Meri taqdeer se pooch Meri qismat ka faisla"
"Meri muskurahat pe na ja Mere dard ko talaash kar"

"Meri aankhon se pooch Mere intezaar ki inteha"
"Mere itminaan pe na ja Mere sabar ko talaash kar"

"Mere pyaar se pooch Mere pyaar ka aalam"
"Meri soorat pe na ja Meri seeratko talaash kar"

In tamam haseen ruton ko tumhary naam kar doon

In tamam haseen ruton ko tumhary naam kar doon
Tumhary payar mein ye umar apni tamam kar doon

Jalta hay jo suraj mahboob ki tallash mein
Us ki tapish ko tumhary liye gulay aam kar doon

Zindagi bhar khoya rahon tery shehar mein
Jee chahta hay in raaton ko gumnaam kar doon

Daikho jo aik dafa payar sy meri taraf
Tumhari chahat mein paish apni jaan kar doon

Aik dafa daikho tum meri chahat ko
In sahraon ko tery liye gulistaan kar doon