Mehak Mein Saray Haroof Dho Kar

Mehak Mein Saray Haroof Dho Kar,
Qalam Ko Mushk o Ambar Mein Dabo Kar

Sana-e-Rab-e-Hameel Likhon,
Taveel Tar Se Taveel Likhon

KAREEM Likhon,
RAHEEM Likhon

Usi ko Usi Ki Daleel Likhon

Kahan Nahi Tha Kahan  Nahi Hai?
Mujhe Bata Wo Jahan Nahi Hai?

Azal Se Hai,
Ta'Abd Rahay Ga

Wo Aap Apni Sanad Rahay Ga

Wohi Tou Hai La'Shareek-o-Yakta,

Wo Sab Ka Khaliq
Sab Ka Aaqa,

RAHEEM-O-REHMAN Shiffaat Uski,
Bari Mukarram Hai Zaat Uski..!!