Baras gayi hai to es par khuda ka shukar karo

Baras gayi hai to es par khuda ka shukar karo
K bar bar karam to ghata nahi karti
,.,.
Badalti chal se es k chalan juda hain
Bohat zamana saz muhabat hua nahi karti
,.,.
Unhe main halqa-e-yaran mein kiun krun shamil
Wo jin se mil k tabiat khila nahi karti
,.,.
Hum apne ap sitam ka shikar hote hain
Hamare sath ye dunia jafa nahi karti
,.,.
Ajeb hal hai dil ka tumhari yado mein
Gullo k sath to aisa saba nahi karti
,.,.
Guzrna parta hai kitne hi emtihano se
Ye zindagi hai kisi par daya nahi karti
,.,.
Ulajh rahi hai abhi to kisi k jalwon se
Kidhar ko jaye nazar faisla nahi karti.