Tu Kisi Aur Ki Jageer Hay Ay Jan-e-Ghazal

Tu Kisi Aur Ki Jageer Hay Ay Jan-e-Ghazal
Log Tufan Utha Dengay Mere Sath Na Chal..

Pehle Haq Tha Teri Chahat K Chaman Per Mera
Pehle Haq Tha Tere Khushbu-e-Badan Per Mera..

Ab Kisi Aur Ki Shanon Pe Hay Tera Aanchal
Log Tufan Utha Dengay Mere Sath Na Chal..

Meri Qismat Mein Nahi Piyar Ki Khushbu Shayed
Mere Hathon Ki Lakeeron Mein Nahin Tu Shayed..

Apni Taqdeer Bana Mera Muqadar Na Badal
Log Tufan Utha Dengay Mere Sath Na Chal.