Ghana sa shajar hain mere baba saayin

"A Poem For Papa Jani"

Ghana sa shajar hain mere baba saayin,
Baray motabar hain mere baba saayin

Nahi hai thikana siwa un k koi,
K mazboot ghar hain mere baba saayin

Dukhon k madawa karain wo hamesha,
Shafeeq is qadar hain mere baba saayin

Karain ilm ki dil mein wo shama roshan,
Baray ba'hunar hain mere baba saayin

Unhain zindagi ki bahaarain ataa hon,
Mere raahbar hain mere baba saayin.