Sham tak phirti rahi hijar ki maari aankhein,
Dhal gayi sham tou phir raat se haari aankhein
Hum isi aas pe aankhon ko khula rakhte hain,
Laut aayen na kisi roz tumhari aankhein
Ashk sagar bane tehreer bani hai zanjeer,
Jab se bichri hain teri piyar se piyari aankhein
Gaate gaate humein ek shakhs ki yaad aati hai,
Bheeg jati hain sar-e-bazm hamari aankhein
Jane kya baat hai kyun dekhti rehti hain,
Meri aankhon ki taraf shehar ki sari aankhein.
