Pathar hi lagein gay har simt se aa kar,
Yeh jhoot ki dunya hai yahan such na kaha kar
Apne shab-o-roz mein masroof raha kar,
Hum log buray hain hum se na mila kar
Matti ka payala bhi nahi apne gharon mein,
Khairaat mein chaandi ka takaza na kiya kar
Tera piyar mere naseeb mein likha hi nahi shayed,
Ab chor de hathon ki lakeerain na parha kar
Har roz ka hansna tujhe barbad na kar de "Mohsin"
Tanhai k lamhon mein kabhi ro bhi liya kar.
