Chubte ashkon se bujhi aankhein na chamkara karo,
Kaanch k tukron se apna dil na behlaya karo
Mujh ko fursat hi nahi milti apne aap se,
Roothnay walo mujhe ab yaad kam aaya karo
Dosto apni zuban se main abhi wakif nahi,
Jab meri samajh lo, mujh ko bhi samjhaya karo
Ab tumhein bhi shehar walon ki hansi dasnay lagi,
Main na kehta tha mera dukh tum na apnaya karo
Kal thakay haray parindon ne naseehat ki mujhe,
Shaam dhal jaye tou "Mohsin" ghar jaya karo.
