Chiragh-e-diyar-e-dil na bicharne ka tu malal kar,
Tujhe dy gi jeeny ka hosla meri yaad rakh le sambhal kar
Ye bhi kya k ek hi shakhs ko kabhi sochna, kabhi bhoolna,
Jo na bujh sakay wo diya jala jo na ho sakay wo kamal kar
Gham-e-aarzu meri justaju, main simat k aa gaya ru'baru,
Yeh sakoot-e-marg hay kis liye main jawab don tu sawal kar
Tu bichar raha hay tou soch le tere hath hay meri zindagi,
Tujhe rokna meri moat hay, meri be'basi ka khayal kar
Mere dard ka mere zabt ka meri ba'basi mere sabr ka,
Jo yaqeen na aaye tou dekh le tu hawa mein phool uchal kar
Meri be'basi ka khayal kar.
