Ae taghayyar-e-zamana ye ajeeb dil lagi hay,
Na waqar-e-dosti hay na maja-e-dosti hay
Mere sath tum bhi chalna, mere sath tum bhi aana,
Zara ghum k raston mein bari tez teeragi hay
Ye mushahida nahi hay mere dard ki sada hay,
Mere dagh-e-dil luty hain teri bazm jab saji hay
Ghum-e-zindagi kahan hai abhi wehshaton se fursat,
Tere naaz hi utha lengay abhi zindagi pari hay
Jisay apna yaar kehna usey chorna bhanwar mein,
Ye hadees-e-dilbaran hay ye kamal-e-dilbari hay
Wo guzer gia hay Saghir koi qafla chamana se,
Kahin aag jal rahi hay, kahin raakh so gayi hay.
