Aankh ne raat jab ek chaand mukamal dekha,
Phir samandar ko bhi hoty huey pagal dekha
Raat bhar dair talak ki teri batein khud se,
Raat bhar samne chehra tera pal pal dekha
Aaj yaadon ki ghata toot k barsi dil pe,
Aaj hum ne bhi brasta hua badal dekha
Haafza cheen liya hum se ghum-e-dunya ne,
Aaj hum bhool gaye usko jisey kal dekha
Ek larki thi k bohat hansti thi "Wasi"
Aaj us ki aankhon se bhi behta kajal dekha.
