Wo De Raha Hai Dilasay Tou Umar Bhar K Mujhe,,
Bichar Na Jaye Kahin Phir Udas Kar K Mujhe..
!!
Jahan Na Tu Na Teri Yaad K Qadam Hon Gay,,
Dara Rahay Hein Wahi Marhalay Safar K Mujhe..
!!
Hawa-e-Dasht Mujhe Ab Tou Ajnabi Na Samajh,,
K Ab Tou Bhool Gaye Rastay Bhi Ghar K Mujhe..
!!
Dil-e-Tabah Teray Ghum Ko Talnay K Liye,,
Suna Raha Hai Fasanay Idhar Udhar K Mujhe..
!!
Kuch Is Liye Bhi Main Us Se Bichar Gaya 'Mohsin'
Woh Door Door Se Dekhay Thehar Thehar K Mujhe:-
