Tum khafa kyun ho?
Tumhen mujh se gila kiya hay
Achanak beRukhi itni
Batao tou howa kiya hay
Manaawon kis tarha tum ko
Mujhe itna tou batla do
Agar ab ho sake tum se
Tou ye ihsaan farma do
Meri manzil mohabbat hay
Mujhe manzil pe pohcha do
Tumhari aankh mein aansu
Mujhey achay nahi lagtay
Tumharey narm honton par
Gilay achay nahi lagtay
Tumhare muskuranay se
Mera dil muskurata hay
Tumharay rooth jane se
Mera dil toot jata hay
