Mohabbat ka dhuwan aankhon mein paani chor jata hay
Kisi rastay se ghum guzray nishaani chor jata hay
Hamari guftagu se bhi wo qaayil nahi hota
Aur apni khamoshi k bhi ma'ani chor jata hay
Bharosa jis pe ho is se tawaqqo koi mat rakhna
Yehi ik saibaan be-saibaani chor jata hay
Bichar kar bhi hum aisay shakhs se bichra nahi kartay
Jo ik fiqra ada kar k kahani chor jata hay
'Wasi' Mout bhi kam khobsurat to nahi ho gi
Jo is ko dekhta hay zindagi chor jata hay
Logging you in...
