Kabhi teri rafaaqat se nikalna hi nahi mumkin
Kabhi daaman chura lena bohat aasaan lagta hay
Kabhi tum rooth'te ho tau ajab mushkil si parti hay
Kabhi tum ko mana lena bohat aasaan lagta hay
Kabhi samjha karo kuch faisle halaat karte hain
Kabhi waada nibha lena bohat aasaan lagta hay
Kabhi kuch din tumhare bin guzarte hi nahi lekin
Kabhi muddat bita lena bohat aasaan lagta hay
