Dil kabhi Surat-e-Halaat se bahir na gaya,
Main Mohabbat main bhi Auqaat se bahir na gaya,
Ek Tu hai k Jahan bhar se Ta'luq Tera,
Ek Main hoon k Teri Zaat se bahir na gaya,
Marhala Tujh se JUDAI ka bhi aa pohncha magar,
Main abhi pehli Mulaqaat se bahir na gaya,
Soch koi na Teri Soch se hat kar Sochi,
Tazkara koi Teri Baat se bahir na gya,
Aao Suraj ko btate hain Tamazat kya hai,
Chand kia jane yeh khud Raat se bahir na gaya.
