Mere Naseeb Mein Phir Ye Bahaar Ho K Na Ho,
Najane Phir Wo Mera Ghamkusaar Ho K Na Ho..
Yehi Buhat Hy K Ek Shakhs Chain Pa Jae,
Bhale Darakht Buhat Saya Daar Ho K Na Ho..
Isi Gumaan Ne Kbi Lotnay Diya Na Mujhe,
Najane Usko Mera Intazaar Ho K Na Ho..
Magr Ye Teh Hai K Main Uske Gham Me Rehta Hun,
Mere Liye Wo Bhale BeQarar Ho K Na Ho..
Main Dhoop Ban Nahi Sakta 'WASI' Kisi Ke Liye,
Mere Liye Koi Abr-e-Bahaar Ho K Na Ho..
