Niyat hi Agar Theek Zamane ki Nahi Hai
Jaldi to Mujhe Bhi Kahin Jaane Ki Nahi Hai
Jin Khwabon Ki Taabir Per israr Hai Tum ko
Un Khwabon Ki Tabeer Batane Ki Nahi Hai
Jis Baat Ko Phirte Ho Chupaye Hue Dil Me
Wo Baat Kisi Se Bhi Chupane Ki Nahi Hai
Is Bheer Me Saye Se Bicharta Hua Saya
Kahta Hai Yahan Sath Nibhane Ki Nahi Hai
Jalte Hue Shahron Me izafa Hi to Hoga
Jab Rasm Koi Aag Bujhane Ki Nahi Hai
Jo tere Liye WaQt Se Larte Hain Abhi tak
Un ko to Khabar Hi Tere Ane Ki Nahi Hai
Dukh ye Hai tu Sach Sunne Ki Adi Nahi Warna
Ye Umr Tujhe Khwab Dikhane Ki Nahi Hai.
