Lafz-e-mohabbat se bhi nafrat thi kabhi hum ko lekin
Majboor huwa dil teri kuch adaayen aisi bhi theen
Bhool kar bhi bhula na paaye hum tujhe
Dil mein basi teri kuch wafaayen aisi bhi theen
Jalta raha dil Shaam-o-saher
Teri mohabbat se haasil humein kuch sazaayen aisi bhi theen
Bujh gaya tujhse wabasta meri umeed ka diya
Tere shehar se aanay wali kuch hawaayen aisi bhi theen
