Ye aankh ronay ki shidat se laal thori hai,
Malaal hai magar itna malaal thori hai..
Bas apne waste hi fikar mand hain sab log,
Yahan kisi ko kisi ka khayal thori hai..
Paron ko kaat diya hai uraan se pehle,
Ye khof-e-hijr hai shoq-e-wisaal thori hai..
Jawab ye hai k ab koi bhi jawab nahi,
Sawal ye hai k ab ye sawal thori hai..
Maza tou tab hai k Haar k bhi hanste raho,
Hamesha jeet hi jana kamal thori hai..
Lagani parti hai dubki ubarne se pehle,
Gharoob hone ka matlab zawal thori hai.
