Goya andaz-e-tazeem hai ameeron jaisa,
Mere ander ka hai insan faqeeron jaisa
Hum ne chehre pe saja rakhi hai shehar ki ronaq,
Mere dil ka aalam hai veeran jazeron jaisa
Us k osaaf-o-khasaail ne mujhe jeet liya,
Mere mureedon mein tha shakhs wo peeron jaisa
Es se pehle thi aseeri bhi rehaai jaisi,
Ab k aazadi mein hai haal aseeron jaisa
Us ko "Mohsin" ganwa k hai khasare ab tak,
Wo jo ek shakhs tha mere sath heeron jaisa
