Yaar Bhi Raah Ki Dewaar Samajte Hain Mujhy
Main Samajta Tha Mere Yaar Samajte Hain Mujhy
Main Tou Youn Chup Hoon K Ander Se Bohat Khali Hoon
Aur Sub Log Pur-Israr Samajte Hain Mujhy
Main Tou Badalty Huay Halaat Mein Dhal Jata Hoon
Dekhne Walay Adakaar Samajte Hain Mujhy
Wo Jo Us Paar Hain Un K Liye Is Paar Hoon Main
Wo Jo Is Paar Hain Us Paar Samajte Hain Mujhy
Naik Logon Mein Mujhy Naik Gina Jata Hay
Aur Gunehgaar, Gunehgaar Samajte Hain Mujhy
