Tujhe izhar-e-muhabat se agar nafrat hai,
Tu ne honton ko larazne se tou roka hota
Be-niazi se magar kaanpti awaz k sath,
Tu ne ghabra k mera naam na pocha hota
Tere bas mein thi agar mashal-e-jazbat ki lou,
Tere rukhsar mein gulzaar na bharka hota
Youn tou huwi mujhse sirf aabo-hawa ki baaten,
Apne tootay howy fiqron ko tou parkha hota
Hosla tujhko na tha mujhse juda hone ka,
Warna kajal teri aankhon mein phela hota.
Poet: Ahmed Nadeen Qasmi
