So qissay hain miltay jultay, ik majboori theek nahi
Jo kehna hai khul k keh de, baat adhori theek nahi
Koi heela, koi bahana, koi munaasib raah nikal
Mujh se aisay miltay rehna ghair zaroori theek nahi
Roz muhabbat ho jati hai chaltay phirtay logon se
Geet adhoray, khuwab adhoray, ye mazdoori theek nahi
Hum mehfil mein aaye you wo peechay ja kar beth gaye
Hum se doori achi hai par itni doori theek nahi
