Shaam k saanwlay chehray ko nikhara jaye
Kyon na sagar se koi chaand ubhara jaye
Raas aaya nahi taskeen ka sahil koi
Phir mujhe pyaas k darya mein utara jaye
Mehrban teri nazar teri adayen Qatil
Tujhe kis naam se ay dost pukara jaye
Mujh ko dar tere waday pe bharosa kar k
Muft mein ye dil-e-khush fehm na mara jaye
Jis k dam se mere din raat darakhshan thay 'Qateel'
Kese ab us k bina waqt guzara jaye
