Mere jaan-o-dil mere humsafar,
Koi baat kar koi baat kar
Tery lab hilein tou katay safar,
koi baat kar koi baat kar
Koi bojh hay tou utaar day,
Koi khouf hay tou nikaal day
Mera haath hay tere haath par,
Koi baat kar koi baat kar
Nahi yaad kitnay baras gaye,
Teri guftagu ko taras gaye
Meri khirkiyan mere baam-o-dar,
Koi baat kar koi baat kar
Tujhy chup kesi lagi hui,
Abhi umer tou hay parri hui
Abhi muskura abhi ghum na kar,
Koi baat kar koi baat kar
