Har din muhabbat ka, har raat muhabbat ki
Hum ehl-e-muhabbat mein har baat muhabbat ki
Daulat k ameeron ne dekhi hi nahi shayad
Daman mein ghareebon k bohtaat muhabbat ki
Seenay pe liye phirtay ilzam muhabbat ka
Aankhon se brasti hai barsaat muhabbat ki
Un k daman mein hai saray jahan ki daulat
Jo baant-te phirtay hain khairaat muhabbat ki
Hum dard k maroon ka itna sa hawala hai
Tanhai hai ghar apna or zaat muhabbat ki
