Dasht-e-darya k us paar kahan tak jati
Ghar ki diwaar thi kahan tak jati
Mit gai hasrat-e-deedar bhi rafta rafta
Hijr mein hasrat-e-deedar kahan tak jati
Thak gaye hont tera naam bhi letay letay
Aik hi lafz ki takrar kahan tak jati
Rahbar usko sarapon mein liye phirtay thay
Khalqat-e-shehar thi beemar kahan tak jati
Tu bohut door bohut door gaya tha mujhse
Meri awaz mere yaar kahan tak jati
Har taraf husn k bazar lagat thay
Har taraf chashma-e-kharidar kahan tak jati
