Baaton baaton mein bicharne ka ishara kar k
Khud bhi roya wo bohut hum se kinara kar k
Sochta rehta hoon tanhai mein anjaam-e-khuloos
Phir usi jurm-e-muhabbat ko dobara kar k
Jagmaga di hein tere shehar ki galiaan main ne
Apnay har ashk ko palkon pe sitara kar k
Dekh lete hain chalo hosla apnay dil ka
Aur kuch roz tere saath guzara kar k
Aik hi shehar mein rehna magar milna nahi
Dekhte hain ye aziyat bhi gawara kar k
