Muddaton baad achanak jo wo chehra dekha

Muddaton baad achanak jo wo chehra dekha,
Bikhra bikhra sa har ik shakhs se rootha dekha,

Meri heirat ka sabab mujh sy na pochu logo,
Aaj main ne kisi pathar ko hy roty dekha,

Mujh ko tanhai ka taana jo dia karta tha,
Aaj uss ko bhi bhary shehar mein 'TANHA' dekha'

Ye zamane ki wafaen mere kaam ki nahi

Ye zamane ki wafaen mere kaam ki nahi
Mujhe us ki wafa chahiye kisi aam ki nahi

Uski to ek muskurahat bhi anmol thi
Ye tamam muskurahaten kisi daam ki nahi

Mujhe gham hai to uske chin jane ka hai
Parwah mujh par lage ilzaam ki nahi

Mera haath dekh kar najomi ye bola
Bohut si chahaten tere liye hain baqi lekin "Mohsin"
Tere haath mein koe bhi lakeer us k naam ki nahi

Tum apni ankhon ki kaali shaam mere naam kardo

Tum apni ankhon ki kaali shaam mere naam kardo
Phir chahay jo ilzam mere naam kardo

Ik umer se tumhari chahat basi hai dil mein
Tum bhi apni har tamana mujhe daan kardo

Mein khuley asmaan taley khara hon
Tum apni mohabbat ki rida mujh par dhaal kardo

Mohabbat to hai iqrar ki muhtaaj
Tum apna har lafz har shair mere naam kardo

Kisi ki rah me ankhen bicha kar kuch nahi milta

Kisi ki rah me ankhen bicha kar kuch nahi milta,
Ye Dunya Bewafa Hai Dil Laga Kar kuch nahi milta.
..
Koi Bhi Lot kar Ata Nahi Aanso Bahany Sy,
Kisi ki yaad me dil ko rula kar kuch nahi milta.
..
Kisi k dil pay kya guzry kisi ko kya khabar is ki,
Kisi ko Apna Hal-e-dil suna k kuch nahi milta.

Ab teri yaad se wehshat nae hoti mujh ko

Ab teri yaad se wehshat nae hoti mujh ko
Zakham khulte hain aziyat nae hoti mujh ko

Ab koe aye, chala jaye main khush rehta hon
Ab kisi shakhs ki aadat nae hoti mujh ko

Aisay badla hoon tere shehar ka pani pi kar
Jhoot boloon to nidamat nae hoti mujh ko

Hai amaanat me khyanat so kisi ki khatir
Koe marta hai to hayrat nae hoti mujh ko

Itna masroof hoon jeene ki hawas mein "Mohsin"
Sans lene ki b fursat nahi hoti mujh ko

Pyaar Ke Deep Jalane wale Kuch Kuch Pagal Hote Hain

Pyaar Ke Deep Jalane wale Kuch Kuch Pagal Hote Hain
Apni Jaan Se Jane Wale Kuch Kuch Pagal Hote Hain

Hijr K Gehri Zakham Mile To Mujh Ko Kuch Ehsaas Hua
Pagal Ko Samjhane Wale Kuch Kuch Pagal Hote Hain

Jaan Se Pyare Logon Se Bhi Kuch Kuch Perda Lazim Hai
Sari Baat Batane Wale Kuch Kuch Pagal Hote Hain.

Khwabon Mein Bi Anmol Milan K Sapne Dekhte Rehte Hai
Neendon Mein Muskrane Wale Kuch Kuch Pagal Hote Hain.

Iss Johti Nagri Mein Hum Ne Yehi Hamesha Dekha Hai
Sachi Baat Batane Wale Kuch Kuch Pagal Hote Hai.

Pyar Jinhein Ho Jaye Un Ko Chain Bhala Kab Mill Pata Hai
Shab Ber Ashk Bahane Wale Kuch Kuch Pagal Hote Hai.

Apni Zaat Ke Ujrey Gulshan Se Wo Pyaar Kahan Kerte Hai
Auroon Ko Mehkane Wale Kuch Kuch Pagal Hote Hai.

Us Ke ISHQ Mein Bheeg Ke Hum Ko Yeh Ehsaas Hua
Dil Ki Baat Mein Aane Wale Kuch Kuch Pagal Hote Hai

Is karri Dhoop men jaltay Huay Paon ki Tarah

Is karri Dhoop men jaltay Huay Paon ki Tarah
Tu kisi Aur k Aangan men Hay chaon ki Tarah
:::
Tu to Waqif hy mere Jazbon ki Sachayi se
Phir Q khamosh hy pathar k Khudaon ki Tarah
:::
Men to Khushboo ki Tarah saath Raha hon Tere
Tu bhatakta Raha bechain Hawaon ki Tarah
:::
Wo jo Barbad huye Thy wohi Badnam Huye hain
Tum to Masoom rahe Apni Adaon ki Tarah
:::
Gham to Ye hy k Humen koi khushi Raas nahi "Mohsin"
Zindagi kaat Rahay hain hum Sazaon ki tarah

Mere ghar k ujre Aangan me koi phool khili

Mere ghar k ujre Aangan me koi phool khili
"Tum Yaad Aye"
Tere shhar k basny walon me koi shakhs mila
"Tum Yaad Aye"

Wo kehta tha k bad mere tum yad mujhy kar k rovo gay
Sach pocho, kisi ki Aankhon se koi ashk gira
"Tum Yaad Aye"

Har bar me tujh ko bhoolny ki khud se Qasmen khata hon
Par jab bhi kisi ne hans k mujhy jab apna kaha
"Tum Yaad Aye"

Din bhar to me es dunya ki rasmon me he khoya raha
Din guzra aur dewaron se jab dhoop dhali
"Tum Yaad Aye"

Chalo aaj mohabat ki nai buniyad rakhte hen

Chalo aaj mohabat ki nai buniyad rakhte hen,
Khud paband rehte hen, unhein azad rekhte hen,

Humare khoon men rab ne yehi taseer rakhi hai,
Jafayen bhool jate hen, Wafaen yaad rakhte hen,

Ye soch kar k gustaakhi na ho jaye mohabat men,
Apna har qadam uske qadam k baad rakhte hen

Hum Se Daikhi Nahi Jati Yeh Veerani Dil Ki

Hum Se Daikhi Nahi Jati Yeh Veerani Dil Ki
Koi Samjha Hai Na Samjhay Ga Kahani Dil Ki

Tamana Ishq Ki Barbaad Kar Gayi Hum Ko
Hum Jisay Ab Bhi Kehte Hain Nadani Dil Ki

Jab Bhi Daikha Usne Dharkan Na Phir Sambhal Payi
Ab Bhi Mansoob Ussi Se Hai Rawani Dil Ki

Hum Na Badlay Magar Dunya Badal Gayi
Wohi Dil Hai Wohi Aadat Hai Purani Dil Ki