Hum tou saaya tera ban jayen agar tu chahe
Ya kabhi bhi na nazar aayen agar tu chahe
Tu jo chahe tou sare-e-aam karen ehd-e-wafa
Yunhi dunia se guzar jayen agar tu chahe
Tujh se milne mein tou jaana teri ruswai hay
Hum teri yaad se mil ayen agar tu chahe
Tu jo keh de tou pukaaren sar-e-bazaar tujhe
Ajnabi ban k guzar jayen agar tu chahe
Zindagi kaat lein agar teri ijazat mil jaye
Teri chuakhat pe hi mar jayen agar tu chahe
