Din ko mismaar huey, Raat ko tameer huey
Khuwab hi khuwab faqat rooh ki jageer huey
Umar bhar likhtey rahey phir bhi warq saada raha
Janay kiya lafz they jo hum se tehreer na huey
Ye alag dukh hain k hain tere dukhon se azaad
Ye alag qaid hay hum kyun nahi zanjeer huey
Deda-o-dil mein tere aks ki tashkeel se hum
Dhool se phool huey, Rung se tasveer huey
Kuch nahi yaad k shab raqs ki mehfil mein "Faraz"
Hum juda kis se huey, Kis se baghal-geer huey