Bohut be'chain rehti hay tabiyat ek muddat se
Dil-o-jaan ko nahi mil paai rahat ek muddat se
Mujhy bhi rok rakha hay meri masrofiyat ne aur
Nahi ki tum ne bhi milnay ki zehmat ek muddat se
Bohut majboor hon warna bohut mehsoos karta hoon
Meri jaan tum se milnay ki zaroorat ek muddat se
Kisi din aa k mil jao k apna li hay aankhon ne
Tumhaari yaad mein ronay ki aadat ek muddat se
